7vor7

Im 7vor7 sind alle Teenager der 6. - 9. Klasse herzlich willkommen.

Im Abstand von zwei Wochen treffen wir uns jeweils am Freitagabend um 7vor7.
 
Zusammen machen wir Sport, haben viel Spass bei abenteuerlichen Unterfangen und behandeln Themen, welche Teenager beschäftigen.
Gemeinschaft, Gespräche, christliche Inputs, Essen, Trinken und Desserts sind wichtige Teile des Abends.
 
Aktuelle Infos:
 
 

Am Samstig 7.9. isch z Bärn der EGW- Jugendabä. Ds isch e Jugendgottesdienst. Mir träffe nis am 18.00 Uhr am Bahnhof z Uetedorf und fahre när mit Outos uf Bärn. Nähmet öppis mit zum Znacht. We dr weit, chöiter öppis zum Brätle mitnäh, es steit e Grill zu Verfüegig. We mr hei chöme, tüe mr euch diräkt mit em Outo heibringä. 

Mir fröiie üs uf euch.

Ds 7vor7- Team

 

7vor7- Wochenende:

Hallo liebi 7vor7eler
Scho gli gö mir i üses Weekend.
Am Samschtig, 14. Septämber, träffe mir üs um 13.30 im EGW Uetedorf.
Mir gö ds’Fuess vo Schwande bi Siegriswil zur Alp Underbärgli. Das geit ca. 1.5 Std.
Dert obe gniesse mir die wunderschöni Natur, ässe am Lagerfür, hei Zyt zum si u stune.
Am Sunntig, 15. Septämber erwache mir abem gackere vo de Hühner, sterke üs miteme wärschafte Zmorge mit Milch, Chäs u Anke vor Alp u wandere när gmütlech bis uf z’Sigriswiler Rothorn.
Ca. um 16.30 si mir wieder z’Uetedorf.
Mitnäh muesch:
- Wandeschueh oder gueti Trekkingschueh
- Rucksack
- längi Hose, wo Du wou bisch zum wandere
- warmi Chleider für am Abe
- Rägeschutz
- Sunnebrülle, evtl. Sunnehuet
- Stirnlampe (wär het) oder Taschelampe
- Schlafsack
- Sackmässer
- Wasser zum Drinke, mind. 1,5 L, max. 2.5L (Uf der Alp gits kehs Quellwasser)
- Zvieri vür em Samschtig
- Fleisch zum Brätle (für mit em Stäcke)
- Vürpflegig für d’Wanderig am Sunntig bis mir wieder Daheime si.
- 25.Fr (am beschte grad „gnau“)
- Bir Alphütte besteit d’Müglechkeit, ds’Drinke (3dl) u Alpchäs ds’choufe; darum evtl. chli sep. Gäld
  mitnäh
- Badzüg ire sep. Täsche (nit im Rucksack)
Es isch würklech mega cool, we Du o chaisch mit cho! Mir fröie üs uf Di!
Bi schlächtem Wätter informiere mir am Fritig Abe mit eme Newsletter.
Amäude isch wichtig bis em Donnschtig, 12. 09 bim Pesche: peter.buri [at] bluewin.ch oder per Telefon.
We Du Frage hesch, mäud Di eifach bim Pesche Buri 031 781 36 78
oder bim Chrigel Josi 033 345 52 60
Liebi Grüess u bis denn ;)
7vor7 Team

 

 

Kontakt: Simon Burn,

              simon.burn [at] egw.ch
              078 885 97 05
 
Wenn dir gärn regelmässig üse Newsletter mit allne Infos wetet becho chöit dir euch unge amäude. (Bemerkung für die Eltern: Am einfachsten ist es für uns wenn ihr den Namen vom Teenie eintragt, dann können wir die Email-Adresse einfacher zuordnen.)
 
 

Aboniert unseren Newsletter

* indicates required
/ ( mm / dd )
 
 

 

Dokumente

VorschauAnhangGröße
7v7 Flyer s2107.15 KB